大腳板走天涯

最後一天，仲有錢剩，所以身子好弱，決定放任下~
去左一間好似好出名的壽司店食壽司~つきじ喜代村 すしざんまい(喜依村)
早餐食壽司~~不過總算在離開東京前食返一次有質素的壽司~~推介的有三文魚湯及set 壽司~

  
所謂搭JR鐵路，話咁快就到~~
很快便來到JR上野站喇~上野，池袋，新宿，都是JR的大站~
黎到上野第一個感覺，有種去了京都的感覺，其實唔似，但就係有這種感覺~~~有種繁擾中帶著寧靜的感覺~~得京都俾到呢種感覺我~ 已經對上野產生極好感覺!!
  
帶住相當好的感覺，向著上野橫町進發~~一出JR站公園出口向左進發就是~~

大腳板今天要帶大家來去富士五湖之一-河口湖~一探富士山的美貌~
繼離家媽媽大瀑布，大峽谷，大腳板終於來到第三個世界頂級然景點----富士山了~
事前功夫真係下了下少苦功，不懂日語，卻要在日本官網訂票，按網上教學逐步逐步跟著做才成功~~
山梨縣河口湖，其實是富士山山腳下，因之前火山爆發而成的五湖之一，亦是五湖中最大最多景點的一個湖，所以最受歡迎。
說真的，一開始要決定來東京，我就下定決心要一訪富士山，機會就在眼前，豈能輕易放過! 
有人計劃周詳，有人去了再說，個人旅行就是這麼面貌多樣~而我，就是一個不太做很多功課才出發的，撞板也是一個經歷嘛~每個行程就是要有些撞出來的經歷才有趣的~~
探訪富士山，我當然不是第一人(掩面)，但身邊到過富走山的人偏偏不多~好吧，我就是喜歡試一些與別不同的東西~~讓我給大家一些新的衝擊吧~~
要去河口湖可搭電車和坐高速巴士兩種方式，我認為經濟又實惠的就是花1750yen，舒舒服服的一路從新宿坐到河口湖。一來省錢，二來省去搭電車需要換車的麻煩，出發前可以先預訂巴士票~
下了一大輪苦功研究日語漢字拼音，買到web乘車劵，平好多，誠意推介，為了確保回程一定有位置坐，記得要連回程的票一併訂，萬無一失~

因為訂了8:40分的車票 我們又一次晨咁早起身了~~去到新宿站，向著西口及京王線方向行。一直到7號出口，一出便是京王富士急巴士總站了~

巴士有兩家一家是京王一家是富士急，其實都是在同一個站上車，如果你怕上錯車，check票時 staff會告訴你的，不用擔心~

準備上車，向河口湖出發，這天市區氣溫也不過是七度，其實不算太凍，我反而滿懷期待河口湖的低溫~~

今天的早餐，就是七仔飯糰兩個~~以及130 yan一罐的暖暖塞米湯~~記得買字早餐，因為都算長途車來~ 
    

經過左兩日急趕遊，今日回歸平淡，行下街街~為明天探訪富士山作準備~~
我去旅行真係唔怕累唔怕行多路的，寧願訓少d~~所以去旅行會發脾四的人真係唔適合我呢類大腳板行程的~~我的旅遊風格就是這樣~~不介意行錯路，不介意搭錯車，因為每一樣都係一種新的感受，去到全新國度，哪有錯路架~ 每樣都是新體驗來~
一日都外一日都內 今個trip就係咁渡過~所以真係好緊湊，好有挑戰性(掩面)!!
因為酒店難book 我地今日要轉酒店~其實又冇乜問題既~~
因為想去築地(聽講話 2016年尾就搬喇) 所以早少少起身(7點半)，離開新宿去池袋轉酒店~坐副都心線去去到池袋後向東口方向行~

今日亦都係 subway pass正式啟用的日子~~~但經過今次 trip我覺得都係 JR方便d~~隨大家喜歡啦~

一出池袋站 eee?? 咁似新宿既???

跟住GPS一路行，仲要拖住隻大行李，我真係好懷念做背包客，一個背包，輕鬆方便~~
行了十五分鐘終於搵到wing hotel ~~~幾度都行到出汗~~~

好啦~來到第二天了~今天會去一個好靚的地方 箱根~ 富士山初接觸~ 
東京周邊的吸引力同東京都內真係截然不同的~~~
因為要趕搭浪漫特急去箱根 好早就起左身出發~~ 箱根真係一個好值得去既地方~ 如果有時間我真心建議大家留一晚泡個溫泉~~真心期待會下雪~~但係偏偏沒有呢~~~撞正今年暖冬，冇計啦~~
3度下向箱根恤髮 下面這set就是我說的箱根周遊券+浪漫特急~

七點左右的新宿，估唔到咁少人咁靜~~ 不過三度來說都算唔錯~~起碼俾到我凍的感覺~~

來到關東，當然要吃關東煮喇~~~各大便利店有售~

企在斑馬線上影相 起香港真係唔駛旨意囉~~

看到JR線 小田急線 京王線的入口就是了~

走進新宿的地下街, 就會一直有指示標示著往小田急列車的方向. 找到小田急百貨店後, 就會見到服務中心的指示牌, 坐電梯上1樓就到了

"香港冇冬天 所以我要去外地過除夕"就係呢句說話 於是我繼哈哈濱同首爾之後 又再一次去外地過凍冰冰除夕了~
關西前年去過 北海道又太貴 咁去東京啦~ 但當我決定去東京 身邊朋友第一個反應就是"下? 亨 你又唔買野 東京唔太岩你喎?!" 話雖如此 但我又怎會甘於平淡呢? 我就來一個非一般的關東之旅 這才是我的旅遊之道~~
我曾經講過去得東京我就要來個周邊遊~去得關東 當然要一睹富士山!! 所以今次坐言起行 選了箱根和河口湖 對於一個首度踏足關東的人來說 ，這樣的行程的確有點不可思議(掩面)~ 總之我就是做到喇~
好啦~要說的實在太多~就讓大家進入我大腳板第二次遊日之旅~
先來介紹一下 今次的行裝 帶咁大個行李主要係為左d手信~ 我又唔一定唔買野既~
天未光出發!! 好鐘意這種天未光出發的感覺 好清靜~~~~7:30便去到在機場check in~一早check完in 仲可以施施然食個早餐 咁先係享受~
其實我唔明點解係要影呢個港女十式 但我最唔明既係..我次次都影XD

雲上的低溫令窗外結霜了~~好耐冇見過喇~而最最最驚喜的，是可以看到富士山山頂呀~~~
大家如果想在飛機上到富士山，要留意不是每條航線都可以見到!!! 剛好今次坐的是dalta 先見到~~~ 如果以從香港出發計，若買往美國的轉乘機，它們的航線比較容易見到富士山~
到成田機場後，要出市區有幾種方法，我們選擇坐skyliner去日暮里 再轉一程JR去新宿 真心建議日著里落 除非你住上野~~  skyliner好處是快，從機場到市區都是四十分鐘左右，但價錢是偏貴的~
多謝家姐 慳返一程回程skyliner車票錢~~

一般來說你可以買skyliner 來回+ subway pass，我地後買左skyliner單程+subway 2 days pass~