大腳板走天涯

經過左兩日急趕遊，今日回歸平淡，行下街街~為明天探訪富士山作準備~~
我去旅行真係唔怕累唔怕行多路的，寧願訓少d~~所以去旅行會發脾四的人真係唔適合我呢類大腳板行程的~~我的旅遊風格就是這樣~~不介意行錯路，不介意搭錯車，因為每一樣都係一種新的感受，去到全新國度，哪有錯路架~ 每樣都是新體驗來~
一日都外一日都內 今個trip就係咁渡過~所以真係好緊湊，好有挑戰性(掩面)!!
因為酒店難book 我地今日要轉酒店~其實又冇乜問題既~~
因為想去築地(聽講話 2016年尾就搬喇) 所以早少少起身(7點半)，離開新宿去池袋轉酒店~坐副都心線去去到池袋後向東口方向行~

今日亦都係 subway pass正式啟用的日子~~~但經過今次 trip我覺得都係 JR方便d~~隨大家喜歡啦~

一出池袋站 eee?? 咁似新宿既???

跟住GPS一路行，仲要拖住隻大行李，我真係好懷念做背包客，一個背包，輕鬆方便~~
行了十五分鐘終於搵到wing hotel ~~~幾度都行到出汗~~~

未有房，放低行李就拿拿聲出發去築地喇~~~跟住 citymapper講的方法去~~點知我揀左條行鑊甘甘的路線....要出站經過地面，又再入返站，好怪的感覺~~CITIMAPPER係一個好 APPS，但佢教的路有時真係令人摸不著頭腦~~    
   

輾輾轉轉，最後於地鐵日比谷線築地站下車，再徒步1分鐘可達等地市場，亦可乘都營地鐵大江戶線築地場外站下車徒步1分鐘 ~
築地街市的正門
我地今日簡直將港燦之名發揚光大~慢慢講你地知~ 先係走去阻住人地交通站在正門前影相~~

一直沿著停車場或人群行~
本來想試試下面這間龍壽司，但排排下唔對路，條人龍不動的...
都係決定臨崖勒馬走為上著~~~唔好浪費時間嘛~~~

 
今個trip好緊湊的~~~但又真係好肚餓，所以買左個豆沙餅食 
唔...我係叮噹~~

 呢度迫起上黎真係拍得住銅鑼灣~~~除非你想看競價時段，如果不是，其實築地不是一個必去的地方.(我個人覺得)，我來都只係想在拆前留個念~~壽司又特別貴，人又特別多~~  

我身後的就是築地場外市場的入口~~看看幾多是人..

除了場內帝場，仲有個場外市場都未行~~所以決定離開人潮向外闖了!!但原來室外市場更恐佈....
起築地場內市場迫到出場外市場 間間都好似唔駛錢咁~~終於搵到一間係唔駛排隊的鰻魚店~~咁梗係買野食啦~~成朝淨係食了半個吉吉家同豆沙餅咋~~~

行行下又發現了個8000yan的大蟹腳~~~我有個衝動買的~~~但跟住會諗.....d雪會溶架喎!!!所以就冇買喇~

之後坐地鐵經日比谷線去原宿~~原宿有個有一百多年的歷史的車站，古色古香的外觀保留木造建築的原貌。相當漂亮的車站，但我沒有去過東京站 ，不敢比較。來到原宿，當然要一訪擁有『日本的巴黎』之稱的表參道~~Today is (Window)shopping day~~
  
繼續去到邊食到邊~呢間 MOMI&TOOY'S可麗餅，不算出名，但utravel有推介過架~ 跟原宿其他眾多的同類餅店，這間較實惠~

很多人會在原宿駅竹下通出站，到我們後面這個入口處拍照，據聞是一個很熱門的拍照點，但我地反方向行完成條街先黎呢度影相 ，之後又再行返落去~~!!

   
這條竹下街入口到明治大街、全長約400多米的商店街，有齊服裝店、手飾店，雜貨店、飲食店等等~~ 其實都幾好行，雖然多人但又不迫，都相當唔錯，短短的一條街 包羅萬有~我仲買到戰利品長冷外套~~~~ 我其實都唔係完全唔買野的~~~而且仲有不少特色小食店~~

150 YAN咋!!梗係要買來吃啦!!
一見到七仔就會想買關東煮食~~~

本來真係好想買呢D塞米通，但條人龍真係實在太長，我冇乜耐性排隊囉~~~
離開原宿，如果仍未累又有時間，可選擇步行至澀谷的，大約十分鐘左右，不過我們就選擇了坐地鐵~去到都差不多四點啦~~~
一出澀谷車站北口，最搶眼球的莫過於全開放式十字路口，對面就係商業街~~但來到澀谷駅，當然要到八公出口，八公忠犬像就立在出口處。
其實喵星人先係主角，個個去都係影喵喵摸喵喵~~之前睇柴犬八千已經話要黎呢度朝下聖~~~

涉谷其實真係好好行, 好行過池袋多多聲!!至少我真係會有一種行不完的感覺~~

一心想找間串燒店吃串燒，便找來這間，但..完全唔知佢up乜..好彩有個識少少英語的客人幫我地點菜

真係唔好亂試串燒店，人地d串燒係俾你坐起度慢慢飲住藍妹食，唔係好似我地咁當正餐架囉~~結果等仲多過食~~~呢幾條咁既串燒等左我地成大半粒鐘....係咁易感受，就算喇~~~
今天港燦到極點~~

又港燦上身見話加少少錢可以任飲，咪加囉，點知一睇，頂! 全部都係酒黎既!!
剛剛在涉谷區區幾串串燒又邊夠丫~所以返到池袋又再嗌壽司食~~

返池袋預先搵定路 睇下聽日邊度搭京王巴士，因為明天要去河口湖賞富士山~~ 明天再告知大家如何在網上預訂~
好彩搵一搵，原來地鐵可到~~，
走時在車站買了兩杯菌鮮果汁~~味道好好呢!!!

聽晚除夕喇，捷運站已經張貼封閘告示
都係早D返去休息，明天要早車，再直踩到誇年呀~
富士山，I'M COMING!!