大腳板走天涯

唏!!放假啦喂!!我的大腳板系列又增添一個新成員了~~~就係韶關喇~~~真係靚到不得了! 今次我少有地路團，因為個行程幾唔錯，同埋懶~~~哈哈~~不過美食之旅都相當唔錯架~~
一直都想去韶關這個地方，景點豐富，一個月前決定成行，不過唔係坐高鐵河蟹號，而家坐巴士，坐左六個鐘....但去到見到d山山水水，乜都值得，真的很美!!大自然鬼斧神工，感謝天主!!我最喜歡去這些地方!! 都有一段時間沒有跟團去中國長trip了，真的很滿足，略嫌三天不夠喉呢!!!
一早去上水地鐵站食個麥當當早餐，然後出發!!!韶關，我來了!!!
在羅湖上車，坐了三個小時巴士來到清遠吃午飯，我家鄉啊!!! 但睡到矇矇鬆鬆~~
  
吃的都是旅行團例牌圍餐，不過都幾豐富~~第一餐第一度菜，一來就是味道極似糊椒豬肚湯的瘦肉湯!!仲有清遠雞添!!! 但唔係我家鄉的橡膠雞!! 呢隻咬得開架!!!
今天天公造美，陽光普照!
讓我飛，到處去嘆一口氣!:: 咳咳，呢張好齊!!

吃完飯，又坐了兩個幾鐘頭車，終於來到第一個大景點，南岭國家森林公園!! 就在酒店旁!!120人仔一次.....如果今次唔係唔跟團自己要點來呢???
  
小試牛刀，一下車便先看看一條瀑布仔!!
  
向上進發...!!好多梯級!!
  
每個位都值得停下來細賞
  
真的有如一幅畫~~~
   
今次大腳板講明是山山水水親親大自然 所以別奇怪為何這麼多山水圖

好靚的瀑布~~~~set快門影仲靚!! 衰在冇腳架!! 離家媽媽大瀑布是氣勢 這裡的瀑布是優雅~~
  
行到來呢度，全部團友停步，因為實在太斜太高，認輸了!!(謝謝攝影師團友，幫我地影沙龍，haha!!佢好鐘意叫我地向上望~~~~)
  
俾瀑布轟炸了兩個鐘 終於都回酒店休息喇~~~酒店都幾靚呀~~
  
臨睡試熊貓面膜，據說好貴的~好，明天再見~~