第四日~開始啦~~開始有D唔捨得依度~
這天"暖"了很多~~有零下十度的"高溫"~但白雪依然~時為10:30am
由一開始比依度D天氣凍到驚 到依家習慣左咁凍, 習慣左出街有D白色既雪 習慣左著到成隻粽咁出去街度 習慣左由街入去好暖既室內果時既感覺(依種感覺真係感動-,-) 習慣左喺hostel好多人氣既氣氛,,,,,,,,
話咁快就到第四日喇~好唔捨得啊~
早餐唔可以唔提添~運吉第一炮，我們連續走進三間餐館，然後昂首乜都唔叫行返出來~~~這是其中一間~
最後去左一間叫煮煮香既自助麵店~
有一個冷凍櫃擺住好多菜同肉同其他餸~我地夾左D我地想食既野~~跟住比舖頭煮~~自己調埋味添~
幾好玩~幾好食 又唔係太貴喎
食完野~緊係去大教堂啦~朝頭早既教堂真係好靚~舖左一層白白既雪喺上面~我地仲喺出面影白鴿添
之後入左去教堂~裏面變左舖頭同展覽館咁,,,,都冇野睇既,,,同我地想像中差好遠門口還要有精品賣....我的十字架呢????
之後就heading to 松花江lu~~沿著中央大街一路行到尾穿過地下街，看到抗洪紀念碑後，就是了~
前面就是抗洪紀念碑啦~~過埋個碑就會見到松花江入口喇~~
松花江結左冰之後都真係幾靚~~好多人喺冰上面溜冰 滑車 滑咩滑物咁 好鬼多唔知點叫既器具
我地當然都要落去啦 真係好凍 唔好講笑
松花崗一號征服隊
喺下面玩左一陣~玩到腳同頸都入哂雪~真係好凍~
玩左一陣 我地要兵分兩路啦~~一路頂唔順要番番上去 一路繼續我地橫誇松花江既壯舉~
我當然係要橫跨松花江啦 咁難得~~其實行落又唔係真係好凍既~~都係喺接受到既範圍內
在雪地上探險般行了不知多久，終於到了另一邊了~
在松花江上，氣溫又跌了十度，即是零下二十度，雪也變得晶瑩了~~
松花江另一邊建築物
行左一個來回之後就真係攰lu~~上番岸之後就係買手信既時候~大大話話都行左七八間手信舖頭
終於大家都買左自己想要既野~包括朱古力啦, 哈爾濱臘腸啦, 好大舊既麵包啦, 麵包味汽水啦, 仲終於試左條雪條添...(我仲想買隻陀表比自己添，不過都搵唔到啱心水既)
行完之後終於都到我地既哈爾濱大餐啦~~我地決定豪食一餐= =
就是這間啦，塔道斯俄羅斯餐廳呀~~好味啊~~~
於是就交比我地既財爺點菜啦~
我最記得既幾道菜分別係:
罐羊(因為係第一道菜) 我淨係記得佢味道好好 係一個鐵杯裝住d好好咪既羊肉同其他野
薯蓉煮魚 (因為真係唔記得左佢叫咩名) 最好食的一道菜 用鼓油蒸魚就食得多 但係d鼓油變左薯蓉又食過未...好香既薯蓉+埋好香既魚....真係超正...
紅酒煮蘋果，濃郁既蘋果味+埋紅酒 都好正... 原來紅酒和蘋果是可以這麼match的~~~想不到~~~
我最印象深刻就係依幾道菜...
唔經唔覺已經到今年既最尾一日，冇錯我地就係喺哈爾濱橫誇2010同2011年啦
番到hostel既我地決定出番黎慶祝! 但未夠鐘，我地就去左行超市，仲掃鬼晒人地d哈哈濱麥味汽水!!
去到中央大街 已經見到搭好左一個台喺十字路口 都好熱鬧啊
我地堆埋去D人度 痴下D當地人既新年氣氛 台上面既人講咩已經冇咩留意 直到佢講10 9 8 7 6 5 4 3 2 1 鮮年crynor 新年快樂~~
一夠鐘，d煙花就在我頭頂上逐個逐個爆俾你睇，嘩!!!!!!!!!!從來都未咁近距離睇住d咁大型既煙花 YEAH
極近距離，維港都冇這種享受
完左之後就到我地燒LU ~~ d煙花好難燒啊~~~
好彩我地技術好~~不過個個都淆底，驚佢爆炸咁....真係...冇d科學精神~~haha
祖國D野應該未用就爆架嘛...點會咁遲都唔爆丫...
不過我地一行7個人一齊燒煙花應該會全部留喺我既記憶裏面~~haha
好正啊...燒完煙花之後緊係宵埋夜啦~又係炸雞....HAHA~~~第一次衝出香港過除夕!!
留言列表
