話咁快又到第三天行程啦~~這天開始下雪了~~
第三天緊係hea少少啦,,,我地去左kfc既兄弟檔dcs德克斯食早餐
本來想到毛毛熏肉吃早餐,但..未營業..時為10am
中央大街係哈哈濱著名景點,很多俄式建築
下雪,太陽也不太顯眼
我身處呢條就係中央大街啦
在中央大街有支大溫度計,今天氣溫是-14C,已經算比較暖的了...
跟住就搭巴士去哈哈濱火車站, 白茫茫一遍
在這裡轉的士去我地今日既目的地~~~名都滑雪場~說來就燥,本想在hostel門口截的士算,因為之前一晚有個香港跟我們說四十大洋有找,但竟然冇一個識去.....終於要搭公車黎呢度轉的士,仲要變了七十大洋...
(小插曲:我地既財爺紅CC因為搭既車速度慢 去到仲要比司機恰 所以又躁底左一次)
經過半小時車程,終於到啦~
去到滑雪場 第一眼見到既緊係唔係雪啦,,,, 我地見到~~一班靚女教練同助手~~haha
每人比左兩舊水有多就真係入去滑雪lu~
滑雪當然要有裝備啦~~一人一個雪鏡, 雪靴, 雪板??, 同埋兩支雪竹= =?
出到去滑雪 唔得閒理其他人啦緊係
super好老師,跟足我兩小時(與我學不懂有關),還主動替我拍照~~
哈~~好易上手啫~~所以結果就係~仆街,,,,,係仆左好多*N次呀!! 仆得仲要好有型 集埋可以拍一輯笑笑小電影la~~haha
不過~仆喺雪地上係一D都唔痛既~~仲好好玩tim
咁大個仔第一次滑雪咋~~~
跟住緊係搭登山繩繩上去高D果度滑落黎la
登山繩繩係一條繩綁住一look horizontal既鐵棍 比我地兩隻腳夾住 跟住拉我地上去既野= =(我都唔知自己講咩 所以唔明唔好問我),總之因為我實在太有天份,到最後都係上唔到最高果層.....
如果冇D人喺隔離sell D好貴既野既話呢~~真係一個唔錯既滑雪場,,,,
玩完lu~~係時候出去食野~~搭巴士出去市中心~~係時候跟住我地個美食地圖搵野食了(個地圖掉左了)
一路行~~一路行~~~到左未??到左未??由於hostel份美食地圖實在太抽象,我地完全被fake~~我地不斷對住兩個地圖苦思~~點解行極都未到既,,,,,,,真係R爆頭= =
終於我地行左粒幾兩粒鐘之後~~我地發覺,,,,,原來個美食地圖係好有問題既~~最大既問題就係個地圖唔跟scale同埋有D街係冇左,,,,燥啊~~
會經過一條街名很長的街道,已河泃鮮花一條街~(乜街名..)
我地喺零下十幾度行左成兩粒鐘有多~~真係無法想像咁凍同攰~~手指同腳指都好似唔係自己既野咁
終於我地搵到啦~~~搵到一間睇落ok ge 野啦~~好感動啊~~
果間野叫做~~金剛山燒烤~~係食串燒既~~
依間野既特色就係~鹹and辣,,,,,豬牛羊雞魚咩都有,不過好鹹同好辣,每食一啖都好似食啖鹽落肚咁,,,,,,
真係鹹到嘔~~基本上我係冇食過野,,,,,我都唔食辣既T_T
最好吃菜式: 烤面包= =(咪道有d似萬家燒餅王果d+左糖既餅)
最難吃菜式: 烤辣菜,,,, 辣豆腐
不過好睬~~今餐唔貴,,,,兩舊水有找
返hostel訓教~~入去之前,落雪啊,好靚~~真係好靚arrrrrrrrrrrrrrrrrrrrrrrrrrrrr~
咁大個仔真係第一次睇住d雪跌落黎睇得咁真切~~~橙紅既街燈+上慢慢飄落黎既雪,重點係隔離果幾個喺度e哇鬼叫,,,,,,感覺
真係唔錯~~~真係好唔錯~~~真係好鬼唔錯~~~(有d野係一生得一次,依次都算係)
(今晚仲有另一樣體驗, 就係我著住一套一舊水既睡衣+一件羽擁 出去買水晶梨~~隻腳真係凍到冰ar~不過幾好味haha~)