大腳板走天涯

今日離開京都轉戰神户喇，唔太捨得京都這遍土地~
神户牛牛，我破戒都係咁話，我嚟喇！
開心還開心，先介紹下第一批postcard，好多都係起嵯峨野買的，因為真係好靚，雖然唔係送俾自己，但送禮一流~

再見京都，繼續向晴朗的一天恤髮~這個就係錦市場，到走果日都冇在入面吃過海鮮，唯有去黑門市場挑戰一下喇~
跟昨天一梯，坐巴到Jr站，再從京都車站搭JR直達神戶的三ノ宮站

坐JR來到神户三/宮啦，坐左成個鐘！！
   
因為呢站的酒店係家仁哥訂的，所以由佢帶路，其實唔係太遠，但就硬係行極都未到，不斷照住GPS指既方向行，話就話十分鐘路程，但就好似行左幾個字咁....終於都搵到間酒店，但d房好細間，其實日本d酒店普遍房間都係偏小的~
    
咁早去到當然又係未有房，咁就放低行李寄倉就出發喇，今日第一個任務就係要去食神戶牛柳!!!沿反方向向JR站行，便會去到一個叫神户三/宮的唔知乜乜通(唔識日文...)，一見到就知食指大動！！就正正在JR站對面~~
  
揾極間間都冇位排長龍，好肚餓，又唔識日文，唔理喇，見呢間竟然可以walk in，去呢間啦！！
好感動，錯有錯著入左有名氣的神户鐵板燒牛排餐廳Mouriya-總店，仲要walkin即有位!! 感謝主!!
我咁大個仔第一次食神户A5牛牛!!如果有相機的話，廚師會主動幫遊客與神戶牛拍合照架! 
如果係分店就要預約的~~
詳細請參閱Mouriya-三宮店 (Sannomiya)預約方式

http://kevin760515.pixnet.net/blog/post/302607780

            
食飽飽之後，就出友去尋找鐵人28~~~ 其實真係有d搵笨....因為除左個所謂1:1的鐵人28像之後，附近係冇其他野睇......  叫做同個鐵人28影下相囉...
   
浪費左d時間，二不不說即刻去名石大橋~~ 搭JR到舞子駅!!! 走過JR在往左邊走就會走過一個陸橋~到陸橋時就可以看到明石大橋的身影了!!
 
用360執完張相果然靚D
 
在明石大下的公園休息了一會，又出發了~去神戶港~~ 坐JR回神戶站，出站往神戶港方向直走，會看到神戶umie購物中心，穿過購物中心，就會到神戶港口~~神戶港好似開嘉年華會咁~~~有酒館，有音樂show~ 可以隨便買到食食，剛好我肚餓，急不及待買嘢食！~~~
             
行到肚仔餓，在這個fisherman market吃buffet~~~唔係好貴，都係二百幾蚊一位~又食過，旅遊就係要不斷食食食~~不過呢間buffet都幾抵喎，都係2xx港紙一個人~~
      
 神戶港既夜景真係靚既~不過估唔到今晚會咁凍，得18度...我著唔夠衫....凍到飛起，於是就走入了unique買件外套~~