今日繼續京都暴走，原來京都真係好靚好多嘢睇，今日行程緊湊~~
所以八點半便出門口了~~晨早空氣，清新開朗
第一餐我同fd都係共識去七仔買個面當早餐算~但吃完才深深體會到日本冇垃圾桶的事實.....搵了很久都未搵到!!! 終於要勞煩七仔的職員幫我們丟~
唔理喇~咁去搭巴士，記得車尾上車同拎飛，唔好做hongkongnese, 同埋紙幣可在車頭换銀仔先入錢
另外，在京都坐公車，可以買500 yan 1 day pass~~因為遊京都主要靠區內巴士，day pass可省時省錢~
在錦市場外坐巴士到JR京都站，大約三十分鐘左右便到達~
今天第一個目的地是嵯峨野嵐山~~從京都站坐嵯峨野線便可直達~嵯峨野線固定在32~33月台
去到嵐山站，一出你會看到一輛已退役的蒸汽車頭， 除了供人拍照外，它旁邊正正是嵯峨野小火車的乘車處~~小火車嵯峨站剛剛在JR嵯峨嵐山站旁邊，兩站只有幾步之遙，很易找到的 。
除非你一早買定票，否則去到車站一定要第一時間去買票，因為網路上極力推薦五號展望席車廂，點解識買一定買第五卡的位?因為第五卡係唯一開放式的觀景車，而車票只能在現場購買，所以採先到先得的方式~
不過在第五卡完全不用怕被玻璃或窗戶擋住，可以盡情咁欣賞或拍攝沿途風景。但我們上到去第五卡都只有站的份兒，因為太多人喇......不過仍可以無阻礙欣賞景觀~~如果買不到第五席，就要坐室內車廂隔著玻璃了~
買了下一班次的車票，多了二十分鐘時間，可以買下早餐吃遊覽下附近，車站門口仲有綠茶雪糕賣呀~~~~~
差不多觭夠鐘便排隊上車了~記得早少少排隊，因為人真的很多~
聽說這個DE10 1104柴油車頭有點來頭，但我不記得詳情了~
一直到中途第二座車站是原本舊的保津峽站，在這站短暫停靠後，當無人上下車便會繼續前進~
小火車行駛速度雖然唔算太快，但車廂不是很抗震，所以行駛起來比較容易左搖右晃，不過勝在沿途只要經過特別的景點，小火車都會刻意放慢速度讓大家好好欣賞，我都係襯呢段時間好不容易咁影到d相~
不過坐上嵯峨野的火車，遠看河邊，我和家仁兄齊聲爆左句:真係好x靚...
沿途仲會不時見到有人坐保津川游船，有興趣都可以一試的~不過價格絕對唔平，不過就可以坐兩小時~
小火車抵達龜岡站後，在龜岡車站附近不難見到有馬車，我就冇乜興趣坐喇(簡單在附近來回一下15分鐘就要500yan囉...)不過可以近距離親親馬兒都幾好既~~
之後從龜岡站步行至馬崛站約只要十分鐘，可以散住步慢慢走過去，亦有d人會一開始就搭JR到馬崛站 ，相反方向返嵐山站，都一樣可以，除你喜歡~
之後就坐JR出返京都，準備下午的行程: 二条城→金閣寺→銀閣寺→清水寺~~在京都二条城前轉乘京都市巴士101到金閣寺道下車搭102至銀閣寺，最後從銀閣寺搭100至清水寺。
來到京都二条城前，因為不在今天行程内喺門口影張到此一遊就走了~
坐巴士到金閣寺道站下車後，到了下面這個路口右轉，就差不多到金閣寺的入口了~
去到門口就會見到這個牌扁~
進場前要先買金閣寺入場券，成道符咁囉，係好有特色既~不過呢....好怪~~~
進去後，第一眼就會見到用我地d入場費打造的金閣寺!!
入到金閣寺園區內，其實都係不斷咁跟住人流方向前進，都唔駛點睇地圖
離開金閣寺後，去返頭先落車的公車站，坐102號公車到銀閣寺道站~
下車後再走一段路，會看到一個牌仔寫住哲學之道的路，其實同行人路一條，冇乜特別，所以繼續向前行，差唔多到銀閣寺前，我地在路旁的餐館吃個下午飯，吃個蕎麥麵都特別好味~~~
向前走，經過銀閣寺橋，就會到銀閣寺的入口~亦開始會見到d著和服的曰本人~佢地著和服去寺參拜看來是一種習俗~ 呃錢的銀閣寺，勸各位下次到京都的人可以忘記這個景點
毫無驚喜的銀閣寺，之後在入口前的車站坐車到清水寺~~清水寺絕對值得一遊，地方大之餘，亦沒有X閣寺般的堆砌，整體上後裝潢，景觀，祈福環節，娛樂性都遠比其他兩寺優勝~~
一直留到五點左右才離開，今晚決定好好吃一餐，因為在hostel附近有不少餐館~~
之後夜遊京都，因為明天要離開，向神戶出發喇~~
留言列表
