第二天了，享受了一晚豪華團，今天開始就要回歸平民了~亦都開始左正式的金句日子!!
如陽光~伴我~~~~~早晨呀新加坡~~~
因為得兩張早餐buffet券，我wesley同仁就出左去搵食~聽candy姐姐講話金沙樓下有food court，我地就即管一試~果然係有!!仲要有名店黃阿細肉骨茶!! 這雖然不是總店，但分店也水準依然~~至少我可以跟別人說我嘗過~~
好香濃胡椒味，飲完唔會話有一種好渴的感覺，但吃罷大半天口中仍留有微辣的胡椒味，排骨亦都好軟!!
一碗胡椒湯又點夠飽，我地三個又去左鼎泰豐開餐~~一於豪埋呢個朝早!!!
食飽就走上去天台影相~好大的天台平台~~天氣非常好呀!遠望摩天輪，整個旅程都冇搭過~
中午便check out，去hostel了~之後幾天都住在這裡喇~
由於我唔識搭巴士，結果累幾位團友陪我一齊行，問識廣東話的黃sir~
我地：要點去呢度？
黃：沿住呢條路向前行，一路行行到盡，有條分叉路，唔好轉左，繼續向前行~
我們：好，唔該~
我們：....？向前行到盡，又再向前行???!!! 行到盡仲點向前行...
最後，成功抵達青年旅社~過了一天的豪華生活，今天要回歸平俗了~
肥老闆mike好好人，圖畫教我地點搭車去各景點~~
hostel位置好好，好近巴士站~
可以喪用day pass，唔好蝕俾佢~~
今日本來係去環球影城，但轉場都用晒d時間，結果改為行街~等一站係去牛車水，亦既係新加坡唐人街~同三藩市chinatown一樣，都係掛住好多這類紅燈籠，周圍有很多富殖民地色彩的建築
為左搵果間什麼瑞記，行黎行去都搵唔到，不過自由行行錯路是常識吧~~~
終於行左去呢條ann siang hill road，穿過呢個公園仔...
結果黎左呢個food centre食野，新加坡真係好多呢類food centre~~~
一入去見到呢間賣豆花的~~叫左碗芒果豆花食，結果大多芒果味，d豆花味冇掟企~~
離開food centre，行前少少就係呢間紅點設計美術館，全球至大型的美術館之一，不過我地冇入去~
自己拎住部600d囝囝，又走去叫人用iphone幫我影XD
行著行著又到了這個有名的maxwell food centre，都話好多food centre架啦~不過呢度入面有間野d海南雞飯好出名，但我地剛剛食飽了~
起food centre對面就係佛牙寺，共五層，我同wesley一路行到上最高果層，第四層個食蕉話d地板下面係金塊.....嘩.......
'
行了一會後，去左明發魚圓面食魚圓，又係書介紹的，但竟然好味的是喇沙!
魚圓面同本書介紹既樣差好遠bo.....但喇沙真心好味!!星加坡除左多food centre，仲有好多既就係食街
之後神奇的事發生了~~以為下面呢間係馬里安曼興惠廟嗎?又以為聞到吳剛味就去左小印度，點知問人先知唔係果回事~~~全世界被fake了~~要再搭地鐵去~~~
搭左幾個站就黎到little india喇~~
你會發現多奇怪食物，例如......
好細粒和好大粒的矮瓜~~
小印度的街道，而呢條亦都係傳說中的Campbell lane印度花墟了~
印度人喜歡把金盞，玫瑰和茉梨編成一串串的花圈，且各有象徵意義，黃紅白分別代表和平，愛和純潔~
雖然叫little india，但入到黎感覺真係好似去左india一樣!!
唔經唔覺又日落入夜，去完印度又帶大家去荷蘭....村丫~一其實同荷蘭係完全冇關係~~只要在二十四小時非繁忙時間的新加坡地鐵站，搭地鐵去到holland village站便到~~夜晚的荷蘭村有點像赤柱
每天面對冇生意和冧檔兩大關口的超強老闆也攰到抖大氣了~我係咪應該落多十個order以示鼓勵? 而最重要， d野真係好味!
今日行程又告一段落，明天繼續帶大家遊新加坡~~
留言列表
