大腳板走天涯

今日繼續大阪，又會有咩趣事呢？
首先第一個任務就係去黑門市場!!! 之前在京都，錯失了去錦市場吃魚生的機會，咁來到更出名的黑門市場，不可能再錯失了吧~~~
位置離道頓堀大約十分鐘路程，可按個人行程，安排在道頓堀及心齋橋同一日~也可選擇在地鐵日本橋站下車~~
今天天氣依然不俗，仍帶涼意，天氣晴朗，每天都向晴朗的一天出發~~
    
這裡的魚生保證新鮮~~~可以選擇買走或坐低吃，我們選了最有名氣的黑門三平~~~d魚生真係不!得!了! 
另一特點就是...周圍也是香港人~~
   
吃飽就直接搭地鐵向下一站「大阪城」前進，一去到你會見到旁邊有條河，我已覺得好靚，之後去到旁邊的主菜，大阪城天守閣，我直情: 嘩!!!好宏徫呀!!!

到了城門口當然要拍照留念一下啦！！
   
一上樓就看見有人穿古裝在拍照留念，我地當然沒有拍啦~~因為打算直接上最頂層睇下大阪全影，但要留意電梯要等很久的，不過上到去你就會有另一個感覺，因為美景盡收眼底~~~~~不過我遺失了部份相片了TT
要留意大阪城內部有許多樓層是禁止拍照的~~~
參觀過後，其實旁邊仲有些手信店的，可以找到不少漂亮的postcard~
之後想去食一蘭拉麵，因為尋日講過要食盡四大拉麵，但因為道頓堀店正在整修，所以就殺來東梅田站的一蘭拉麵店啦!!
大阪城公園駅搭JR直達梅田駅便可達~~到達後跟阪急百貨既指示牌行，就會行到去阪急百貨的地下美食街，然後在一樓既出口出，就會見到阪急東通商店街, 一蘭就在入面了~~  
   
不過離車站有點遠，按GPS找不難找到的~第一次食一蘭，最令我深刻印象的就係佢地既自閉式座位……但無可否認，一蘭拉麵真係出色到不得了！！
吃過一蘭，滿足到不行~~~因為今日餘下行程係去梅田空中庭園展望台睇夜景，咁當然冇咁早有得睇啦~ 
梅田空中庭園係大阪新興景點，仲要被說成唔去會後悔的景點(其實有點誇張....)
所以就喺梅田四圍行下~但講真，除非你好鐘意買名牌，梅田真係唔太值得去~因為都係行百貨居多~

咁點樣去呢個大景點呢?講真，我地都搵左好耐~~~ 系統少少講一次啦~
首先重點係要搵到阪急梅田車站，但搵到都要小心，因為有幾個出口，但總之一路行直至見到一個標有阪急三番街的入口，入去之後穿過阪急梅田車站，會見到一間酒店喺左手面，繼續向前行行到最底，最後會喺右手邊見到一條地下道，穿過呢條地下道後就係空中庭園喇! 見到都知難搵~~~
係靚既 ，不過真係難搵左少少~~最慘係離遠望到但唔知點行去~

喺下面影返上去，原來真係好靚!! 

搭電梯上四樓(唔係好肯定)買入場券後，接著轉搭手扶梯繼續向上走! 之後就可以來到頂樓的觀景台
   
幾經辛苦終於來到梅田空中庭園上到去，影左幾張相，結果，單反冇電……
點解我次次旅行硬係有D柒嘢發生……
呢張已經係我難得影到既一張相了...好彩影得都還可以.....