大腳板走天涯

"香港冇冬天 所以我要去外地過除夕"就係呢句說話 於是我繼哈哈濱同首爾之後 又再一次去外地過凍冰冰除夕了~
關西前年去過 北海道又太貴 咁去東京啦~ 但當我決定去東京 身邊朋友第一個反應就是"下? 亨 你又唔買野 東京唔太岩你喎?!" 話雖如此 但我又怎會甘於平淡呢? 我就來一個非一般的關東之旅 這才是我的旅遊之道~~
我曾經講過去得東京我就要來個周邊遊~去得關東 當然要一睹富士山!! 所以今次坐言起行 選了箱根和河口湖 對於一個首度踏足關東的人來說 ，這樣的行程的確有點不可思議(掩面)~ 總之我就是做到喇~
好啦~要說的實在太多~就讓大家進入我大腳板第二次遊日之旅~
先來介紹一下 今次的行裝 帶咁大個行李主要係為左d手信~ 我又唔一定唔買野既~
天未光出發!! 好鐘意這種天未光出發的感覺 好清靜~~~~7:30便去到在機場check in~一早check完in 仲可以施施然食個早餐 咁先係享受~
其實我唔明點解係要影呢個港女十式 但我最唔明既係..我次次都影XD

雲上的低溫令窗外結霜了~~好耐冇見過喇~而最最最驚喜的，是可以看到富士山山頂呀~~~
大家如果想在飛機上到富士山，要留意不是每條航線都可以見到!!! 剛好今次坐的是dalta 先見到~~~ 如果以從香港出發計，若買往美國的轉乘機，它們的航線比較容易見到富士山~
到成田機場後，要出市區有幾種方法，我們選擇坐skyliner去日暮里 再轉一程JR去新宿 真心建議日著里落 除非你住上野~~  skyliner好處是快，從機場到市區都是四十分鐘左右，但價錢是偏貴的~
多謝家姐 慳返一程回程skyliner車票錢~~

一般來說你可以買skyliner 來回+ subway pass，我地後買左skyliner單程+subway 2 days pass~

有寫我地坐緊第幾卡~要留意的是，如果坐錯卡，就會去不到你想去的出口，這個要記住啊!
去到日暮里 沿住JR指示牌行就可以搵到JR售票處，東京同大阪最大不同就係鐵路的複雜程度，來東京真的要下點功夫做做功課~

見到下面張告示就代表搵對地方喇~其實唔識日文都唔怕 ，總之認住JR線，跟住行就會搵到 去到果度仲會有識講國語的staff，真係唔怕蕩失路~

JR車票就是這個樣子~

山手線 基本上如果你係用JR玩成個行程 山手線是必用的~ 幾個大站就停山手線~至於京成線就是skyliner，即係話你見到京成線同JR的字眼就唔駛太驚搵錯~點都去到你想去既售票處~其實不懂日文也不用大害怕，大城市有個好處，就是有齊中英文字~跟住行便可以~上山手線直往新宿站

好快就去到新宿站~第一件事要做什麼? 當然是去南口的小田急旅客服務中心買明天的箱根周遊券~ 

如果你打算到箱根( 一日或兩日)，箱根週遊券是必買的~ 兩日內無限次使用~節省好多~
另外仲可以預先在官網網上預訂浪漫特急~加多890yan~ 也可以在買周遊券時一併升級~

網上訂浪漫特急版面係咁的~~可以早d劃位  因為浪漫特急除了快d外 第一排指定席才是其賣點~~

買齊週遊券，便第一時間向酒店進發~~雖然沒有下雪，但也很冷，得三度左右~~~不得了，這樣才是冬天嘛!!

 間酒店都算乾淨~
整頓好才不過是五時~~但這裡的天色已黑~所以也把握時間即刻出發展開第一天的旅程~~~
來到日本當然要食拉面~~第一餐就食一蘭 唔駛排太耐隊~~ 其實同大阪果間差不多 賣相就一樣喇~但味道始終不及大阪店~~~
  

食完個拉面諗住暖身，怎料敵不過寒風，傷風了~~~ 不過雖然流緊鼻水，但來到新宿街頭，當然要俾機會條馬路同我影相~
不過亦因為咁 俾我起藥妝發掘到一隻有料到的傷風藥~~~
所以拿拿聲返酒店著過件褸再出黎~~~冇理由蝕時間嘛，幾大再行過~~~ 勝在酒店夠近~~而且，入夜後的新宿 五光十色，的確有種愈夜愈精彩的感覺~怎可以病倒啊!

     
今晚初來報到 夜遊下新宿先啦~~歌舞伎町必到的一個景點喇~
 

略略感受一下冬天~~明天會去一個非常漂亮的地方，名字叫: 箱根~~